تحضير شاربات ليمون باقل تكاليف

روسات شاربات بوفاريك اللي بغا يخدم على روحه

10 لتر ماء

50 غرام لاسيد سيتيريك

1.5 كغ سكر

60 لاروم اسمه صوفاربا ذوق الشاربات مش القارص

30 غرام لافاني نتاع علبة اسمها لابرودا

1 لتر حليب كانديا

طريقة نحط الماء ونضيف لاسيد ونخلط مليح ثم نضيف السكر نخلط حتى يذوب منبعد لاروم منبعد الحليب ثم لافاني

ملاحظة عمرك ما تحط الحليب حتى تعرف بلي لاسيد ذابت لهذا دير الحليب تالي

انا نخدمها هادي شاربات ذوق روعة

احنا نبيعوها في قرع نشروهم نتاع لتر ونص تنباع جملة ب15 دينار

الشاربات كي تعمرها تنباع 8 آلاف جملة 10 الاف في حانوت

ربي يبارك لكل واحد في رزقوا

واي واحد ينشرها لعل وعسى ينفتح على ناس كانوا محتاجين ومغبنين

وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ.